ELKARRIZKETA
Maria
Cuellar elkarrizketa
(moldatua)
“Nik ez nuke
egingo sare sozial batean kalean egingo ez nukeena.”
Gaur Mariarekin elkartu gara. Maria Cuellar
teknologiako irakaslea da Larraintzarko institutuan. Horretaz gain, teknologia
berrien arduraduna da ikastetxean.
Kaixo,
Maria, Noiztik gustatzen zaizu teknologiaren mundua?
Zuek baino txikiagotik gustatzen zitzaidan.
Beti gustatu zaizkit teknologia berriak, zientzia fikziozko pelikulak eta lehen
zeuden makinatxoak, garai horretan makina bakoitzak joku bakarra zuen eta beti
aldatzen ibiltzen nintzen.
Zergatik
ikasi zenuen teknologia?
Bueno, ingenieritza ikasi nuen eta
kasualitate askorengatik. Nik nire lehenengo ordenagailua unibertsitatean piztu
nuen eta interneta ni 3. mailan nengoelarik hasi zen erabiltzen. Gu izan ginen
lehendabizikoak interneta erabiltzean.
Beste guztia pixkanaka etorri zait.
Zure
ustez ikastetxeetan ongi erabiltzen dira teknologia berriak eta sare sozialak?
Arlo guztietan gertatzen den bezala,
batzuek bai eta beste batzuek, berriz, ez.
Eta
gurasoek, ongi erabiltzen dituzte?
Nik uste dut despiste handiagoa dagoela
gurasoengan ikasleengan baino. Zuei gai
horri buruzko edukiak azaltzea errazagoa da, izan ere, zuek txikitatik
erabiltzen dituzue ordenagailuak eta abar eta gurasoak, aldiz, beranduago hasi
dira.
Eta
ikasleok?
Esan behar dut urtez urte gero eta hobe
erabiltzen dituzuela teknologia berriak. Nabaritzen da lehen hezkuntzan ere
ordenagailuak erabili egin dituzuela; halere, azken urte hauetan sakelekoaren
erabilerak ordenagailua gutxiago erabiltzea ekarri du eta nabaritzen da.
Eta
irakasleek?
Orain ikastaro bat egiten hasi gara gai
horren inguruan. Ikasteko gogo handia dago. Programak eta baliabideak berehala
aldatzen dira eta etengabeko formakuntza izan behar dugu. Batzuei beste batzuei
baino gehiago kostatzen zaie, noski, baina bidean gaude.
Gure
ikastetxean zer segurtasun neurriak hartzen dira ordenagailu gelan? Ikasleok
gaizki erabili ahal ditugu ordenagailuak edo “debekatutako” web orrietan sar
gaitezke?
Berez nik hori ez dut erabakitzen, zeren
eta hori jartzen diguten. Badaude web
orri asko non ezin gara sartu ikastetxean. Horretaz aparte, bai posiblea dela
twentyra edo facebookera sartzea, baina beti klaseko ariketetarako. Era berean,
ordenagailuen konfigurazioa ongi kudeatzen saiatzen naiz.
Gu
sare sozialetan ibiltzen garenean, nola dakigu arriskuan gauden ala ez?
Zuek zer uste duzue? Nik horren inguruan
beti esaten dut nik ez nukeela egingo sare sozial batean kalean egingo ez
nukeena. Ez nizkioke irainak bota inori, ez nuke onartuko irainak niri
botatzea, ez nuke ezagutzen ez dudan norbaitekin hitz egingo edo nire bizitza
osoa kontatuko, ez nioke nire argazki bat edonori emango, ezta? Horrela pentsatzen
baduzue nik uste dut seguru ibiliko zaretela. Egia da sare sozialek jende asko
ezagutzeko aukera ematen digutela, eta hori oso polita da, baina ez dakigu
pertsona horiek nortzuk diren edota zer intenzio duten. Orduan bi aldiz
pentsatu behar da.
Orain
hainbat ikastetxetan liburuen ordez tabletak erabiltzen dira, zer uste duzu
horri buruz?
Alde batetik, zuentzat polita eta
erakargarria izango litzateke. Testuak eta materialak animatuagoak izango
lirateke eta motxilaren pisua…zer esanik ez! Beste aldetik, ongi funtzionatu
beharko lukete eta nik entzunda dudanagatik hori ez da beti gertatzen eta
denbora dezente galtzen da askotan klaseetan. Hala eta guztiz ere, eman denbora
eta ikusiko dugu.
Zuk
tabletekin klaseak emango zenituzke?
Bai, noski!!
Bukatzeko,
badakigu zuk aula birtuala erabiltzen duzula, zer alde onak eta txarrak ditu?
Alde on ugari ditu. Lehenik eta behin zuen
lana ongi antolatzeko aukera ematen dizue, entregatzeko epe finkoa duzue, ez
dago aitzakiarik!, zuzenketa eta kalifikazioa berehala eta hor bertan ikusten
dituzue… orokorrean, nire ustez, ardura gehiago hartzen duzuenez eta
inplikazioa handiagoa denez, orduan, gusturago egiten duzue lana.
Maria,
eskerrik asko eta hurrengora arte.
Kazetariak: Oihane, Paula eta Amaia (DBH1. Maila)
No hay comentarios:
Publicar un comentario